Ieri a Napoli  si è tenuta una manifestazione per il "NO alla legge Bossi - Fini", una legge che ritengo profondamente razzista, che va a ledere i diritti dei lavoratori più deboli: gli immigrati.
Ti invio, pertanto, una mia poesia chiamata "DIVERSITA'", che mi piacerebbe venisse pubblicata sul NAMIR.

DIVERSITA'

Na gatta janca nun lle 'mporta niente
si vede 'a n'ata gatta grigia o nera;
si 'a razza soja è siamese nun pretenne
d' 'o ffà pesà juorno, matina e sera !

'O stesso 'o cane 'e razza ! Mica dice
vicino a nu bastardo cacciuttiello :
" Nun sì nisciuno ! ". Anze, se fanno amice,
spartènnose 'sperienze brutte o belle.

E dint' 'o mare ? Pisce 'e tutt' 'e specie :
merluzze, 'o cavalluccio aggrazziatiello,
spìgole, sarde, alice a diece a diece
vanno a pazzià cu 'a treglia e 'o purpetiello.

E nuje ca ce dicimmo 'ntelliggente
facimmo caso a ogne diversità:
'e razza, 'e lengua,  'e ausanze, 'e cuntinente,
guardànnoce 'ncagnesco...e ciò nun stà !

Che fà si 'a pella è janca, gialla o nera
o nun credimmo 'a stessa religgione ;
'o cielo, 'o sole, 'o mare, 'a primmavera
ce danno a tutt' 'a stessa cummuzione.

Un bacio
Adriana Fiore